Zientzia Jot Down lehiaketaren XII. edizioaren deialdia zabalik da

Jot Down Zientzia Lehiaketaren hamabigarren edizioa ospatuko da 2025ean, «Elementu kritikoak: wolframiotik lur arraroetara» lelopean.  Lehiaketak Donostia International Physics Centerren, Canfranc-eko Lurrazpiko Laborategiaren eta Laboratorium Museoaren babesa dauka, eta Sevillako Unibertsitatearen, Jot Down, Mercurio eta Menéame aldizkarien laguntza ere jasotzen du.

Jot Down aldizkariak eta Bergarako Laboratorium Museoak antolatutako aurtengo lehiaketak, teknologia modernoaren euskarri diren materialei buruz hausnartzera gonbidatzen gaitu, wolframio historikotik, energia-trantsiziorako funtsezkoak diren elementuetaraino, hala nola neodimioa edo lantanoa.

Bergarako Errege Mintegi Abertzalearen espiritu ilustratuan inspiratuta —1783an Elhuyar anaiek lehen aldiz wolframioa isolatu zuten lekuan—, zorroztasun zientifikoa eta adierazpen artistikoa uztartzen dituzten lanak aintzatetsi nahi ditu lehiaketak. Deialdia, uztailaren 31ra arte egongo da zabalik, lau modalitatetan: zientzia dibulgazio saiakera, narratiba,  ilustrazioa eta argazkia.

DIPCk zientzia, artea eta gizartearen arteko bateratzea sustatzen duen ekimen honekin bat egingo du aurten ere, dibulgazioarekin eta pentsamendu kritikoarekin duen konpromisoa berretsiz. Lan sarituak Jot Down, Mercurio aldizkarian eta Menéamen argitaratuko dira, eta edizio honetako jarduera paraleloen epizentroa izango den Laboratorium Museoan aurkeztuko dira.

Informazio gehiago esteka honetan: https://ciencia.jotdown.es/