Aurrez aurreko eskola bisita CFM (CSIC-UPV/EHU) eta DIPC ikerketa zentruetara 2024/04/19

Eskolen bisitak

Noiz
2024/04/19
09:30
Lekua
CFM (CSIC-UPV/EHU)- DIPC
Gehitu egutegira
iCal
Subscribe to Newsletter
Aurrez aurreko eskola bisita CFM (CSIC-UPV/EHU) eta DIPC ikerketa zentruetara 2024/04/19

Ikastetxeei zuzendutako bisitak antolatzen dituzte urtero DIPCk eta Materialen Fisika Zentroak (CFM CSIC - UPV/EHU). Ekimen honen bidez, ibilbide zientifikoa aukera profesional gisa zeinen erakargarria den erakutsi nahi dugu, baita zeinen lan zientifiko bikaina egiten ari diren ere gure inguruan hainbat arlotan, hala nola materialen zientzian, nanozientzian eta superkonputazioan. Gure zentroak diziplinartekoak dira, eta fisikan, kimikan, informatikan eta ingeniaritzan espezializatutako profesionalak integratzen dituzte. Profesional horiek aktiboki hartzen dute parte gure instalazio eta laborategietako bisitan.

Aurrez aurreko bisitaren programa

  • 9:30-9:45 Aurkezpena: ikerketa zentroen zeregina, nanozientziaren hastapenak eta karrera zientifikoen deskribapena.
  • 9:45-10:45 Ikerlariek laborategietako lanaren nondik norakoak azalduko dituzte, tresna eta makinen erabilpena erakutsiz eta beren lanaren helburuak azalduz. Bost gune hauetatik hiru bisitatuko dira:
    • Super Konputazio zentroa (DIPC).
    • Nanofisika eta Nanozientzia laborategia (CFM).
    • Polimeroen Kimika laborategia (CFM).
    • Nanofotonika Kuantikoko laborategia (CFM).
    • Nanomaterial eta Espektroskopia laborategia (DIPC).
  • 10:45-11:15 Hamaiketakoa eta mahai ingurua DIPC edo CFMko kafetegian ikerlariekin.

Oharra: Aurrez izena emandako jarduera.