Gure ikerlariak Pint of Science Jaialdian
Lankidetzak
- Parte-hartzailea
-
Silvia Bonoli (DIPC) eta Isidora Araya Day (DIPC)
- Noiz
-
2026/05/19
19:00 - Lekua
- Mala Gissona, Zabaleta Kalea 53, Donostia / San Sebastián.
- Antolatzaileak
- Pint of Science
- Gehitu egutegira
-
iCal
Pint of Science Jaialdia nazioarteko ekitaldia da, bertan komunitate zientifikoak bere ezagutzak gertuko giroan partekatzen ditu. DIPCk ekimen hau babestu eta bertako ikertzaileek parte hartzen dute zientzia herritarrei hurbiltzeko asmotan.
Asteartean, DIPCko ikerlariek ondorengo hitzaldiak emango dituzte:
- "Eclipes y descubrimientos", Silvia Bonoli (gaztelaniaz). Uda honetan naturak eskaintzen duen ikuskizun harrigarrietako bat bertatik bertara ikusteko zortea izango dugu: eguzki-eklipse osoa. Baina… erabilgarriak al dira eklipseak? Eklipseek ahalbidetu dituzten aurkikuntza zientifiko nagusiak azter ditzagun, gure planetatik gure galaxiako mundurik ezezagunetara bidaiatuz.
- "Designing topological two-dimensional materials", Isidora Araya Day (ingelesez). Ikusten ditugun objektu gehienek espazioaren hiru dimentsio hartzen dituzte, eta luzaroan komunitate zientifikoak pentsatu zuen hori zela zegoen guztia. Ideia hori aldatu egin zen mende honetan zehar, bi dimentsioko ehunka material aurkitu eta aztertzean. Material batzuek propietate unibertsalak dituzte, eta ia ez dira aldatzen; beste batzuk magnetikoak dira, eta badira hobeto eroaten dutenak ere. Hala ere, oso zaila da hainbat propietate interesgarri biltzen dituen material bakarra aurkitzea. Hitzaldi honetan material topologikoen historia kontatuko dut eta nola material ezberdinak konbinatzen ditugun nahasketa ideala lortzeko.