Mikel Falxaren hitzaldia Bergaran eguzki eklipse totalaren inguruan

Kutxa Fundazioa eta DIPC

Parte-hartzailea

Mikel Falxa
DIPC

Noiz

2026/06/11
18:30

Lekua

Laboratorium, Bergara

Antolatzaileak

Kutxa Fundazioa, DIPC, Laboratorium

Gehitu egutegira

iCal

Kutxa Fundazioak eta DIPC ikerketa zentroek hamarkada bat baino gehiago daramate elkarlanean, ospe handiko zientzialarien eskutik gaurkotasun zientifikoa eta interes soziala duten dibulgaziozko hitzaldiak antolatzen.

2026an gaurkotasun handiko gaia izango dugu hizpide, Iberiar Penintsula abuztuaren 12an zeharkatuko duen eguzki eklipse totala. Naturaren ezohiko fenomeno hau 1905an ikusi ahal izan zen azkenekoz gure lurraldean. Bitxia badirudi ere, eguzki eklipseek lotura estua izan dute aurkikuntza zientifiko handiekin historian zehar, batez ere fisikaren alorrean. Hitzaldi honetan, DIPCko astrofisikari Mikel Falxak aurkikuntza harrigarrienetako batzuk zeharkatuko ditu, gure planetatik hasi eta gure galaxiako mundu urrunenetara eramango gaituen bidaian.

Hitzaldia hiritar guztiei dago zuzendua eta euskaraz izango da (ez da aldibereko itzulpenik egongo). Sarbidea doakoa da eta izen ematea beharrezkoa da erreserba egiteko.

Jarduera hau Kutxa Fundazioak eta DIPCk gure lurraldeko hainbat tokitan antolatu dituzten erabateko eguzki-eklipseari buruzko hitzaldi batzuen parte da, Eusko Jaurlaritzako Zientzia, Unibertsitate eta Berrikuntza sailak sustatutako Jakindari ekimenaren barruan. Zikloak Oiasso Museoa eta Bergarako Laboratoriumen laguntza berezia du.