"Ikuspegi kuantikoak" erakusketara bisita gidatua DIPCko komunitatearentzat
Artea eta Zientzia
- Parte-hartzailea
-
Jaime de los Rios
Art and Science ARTEK - Noiz
-
2025/06/06
12:00 - Lekua
- Tabakalera, Donostia / San Sebastian
- Antolatzaileak
- Tabakalera, DIPC
- Gehitu egutegira
-
iCal
DIPC komunitateari irekita, Jaime de los Ríosek gidatutako bisita berezia antolatu da Ikuspegi Kuantikoak erakusketara ekainaren 6an, 12:30ean.
2025ean ospatuko den Zientzia eta Teknologia Kuantikoen Nazioarteko Urtea dela eta, Tabakalerak Ikuspegi Kuantikoak inauguratu du. CERNeko Arteen zuzendari Mónica Bellok komisariatu du hamaika artistaren lana biltzen duen arte garaikide erakusketa hau. Erakusketa otsailaren 21etik ekainaren 8ra egongo da ikusgai.
Basileako HEK (Haus der Elektronischen Künste) eta Eindhoven-eko MU Hybrid Art House erakundeekin koproduzitua –hiri horietara joango da gero erakusketa–, DIPCren, Ikerketa Nuklearrerako Europako Zentroaren (CERN) eta Tekniker erakunde zientifikoen elkarlana ere izan du.
DIPCk erakunde kolaboratzaile gisa parte hartzen du erakusketan, Jaione Camborda zinemagileak sortutako lan berrietako batean, baita bitartekaritza-espazioaren kontzeptualizazioan eta edukietan ere.
Hizlariari buruz
Jaime de los Ríos Donostian jaioa da (1982), eta ARTEK[Lab] Arte eta Zientzia laborategi irekiaren sortzailea, Arteleku sormen zentroan kokatuta. Sortzaile honen lan-ibilbidea diziplina horien eta sistematikaren arteko elkargunean dago, mekanismoen, erritmoen eta eredu naturalekin estu lotuta. Software eta hardware askean espezialista da, eta haren lanaren parte handi bat lankidetzazkoa da. Obren artean, inguru murgiltzaileak aurkitzen ditugu, baita jarrera naturala eta konputazionala lotzen dituzten bestelako dinamikak ere. 2010ean, Artista Berriak saria jaso zuen, eta 2012an Gipuzkoako Foru Aldundiak beka eman zion, teknologia berriekin garatutako instalazioengatik. Azken urteotan, Jaime ArtFutura zentroaren zuzendari eta koordinatzaile ere izan da, eta, bertan, erakusketak egiteaz gain, nazioarteko artistak sustatu ditu. Haren lanak Arteklab.org webgunean aurki daitezke.