Artea eta Zientzia

Donostia International Physics Center lankidetza estuan aritu da hasieratik Tabakalerak bultzatutako Artea, Zientzia, Teknologia eta Gizartea programarekin; lan egiteko modu berri bat, artearen, zientziaren eta teknologiaren arteko elkargunean, gure garaiko erronkei lotutako gaiak batera lantzeko.

VISIONES CUANTICAS

2025ean ospatuko den Zientzia eta Teknologia Kuantikoen Nazioarteko Urtea dela eta, Tabakalerak Visiones Cuánticas erakusketa inauguratuko du, Arts at CERNeko zuzendari Monica Bellok komisariatutako arte garaikidearen erakusketa, hamaika artistaren lana biltzen duena. Erakusketa otsailaren 21etik ekainaren 8ra egongo da ikusgai.

Basileako HEK (Haus der Elektronischen Künste) eta Eindhoveneko MU Hybrid Art House -ekin batera ekoitzi dute erakusketa, eta, aurrerago, hiri horietara bidaiatuko du. Visiones Cuánticas erakusketaren kolaboratzaile zientifikoen artean daude DIPC, Ikerketa Nuklearrerako Europako Zentroa (CERN) eta Tekniker ere.

DIPCk parte hartzen du erakunde kolaboratzaile gisa erakusketan, Jaione Camborda zinemagileak sortutako lan berrietako batean, baita bitartekaritza-espazioaren kontzeptualizazioan eta edukietan ere. Erakusketarako sarbidean dagoen gune honek, fisika kuantikoaren oinarrizko kontzeptuak, egunerokoan erabiltzen ditugun teknologia kuantikoak eta sortzen ari diren teknologia berriak (adibidez, ordenagailu kuantikoak) jendeari helarazteko balioko du.

Visiones Cuánticas erakusketaren inguruan, jarduera paraleloen programa oso bat garatuko da, familientzako tailerrak, dibulgazio-hitzaldiak eta fisika kuantikoari buruzko elkarrizketak barne hartuta.

Gainera, jarduera horiek guztiak Eusko Jaurlaritzak bultzatutako programa zabalago baten barruan kokatzen dira, kuantikaren nazioarteko urtea ospatzeko BasQ estrategiaren barruan, eta horri esker Euskal Herriko hainbat herritara zabalduko dira aktibitateak.

ARTE ETA ZIENTZIA KONEXIO GEHIAGO

Tabakalera eta DIPCren arteko lankidetza arte eta zientzia proiektuetan 2020an sortu zen.

Sinbiosi horretan, DIPCk zientziaren arloan duen esperientzia eta koprodukzio artistikoetarako aukerak aurkitzeko gaitasuna dakar. Tabakalerak aldiz, artearen eta kulturaren esparruko esperientzia eskaintzen du. Artisten hautaketan eta komisariotzan duen esperientzia, baita Medialaben baliabideak ere tailerrak eta difusio jarduerak antolatzeko. Hala, prozesu artistikoaren zati handi bat Tabakalerako Medialab-en garatzen da, publiko orokorrak eta inplikatutako kolektiboek parte har dezaten.

Hauek dira orain arte garatutako proiektuak:

Sinbiosi horretan, DIPCk zientziaren arloan duen esperientzia eta koprodukzio artistikoetarako aukerak aurkitzeko gaitasuna dakar. Tabakalerak aldiz, artearen eta kulturaren esparruko esperientzia eskaintzen du. Artisten hautaketan eta komisariotzan duen esperientzia, baita Medialaben baliabideak tailerrak eta difusio jarduerak antolatzeko ere. Hala, prozesu artistikoaren zati handi bat Tabakalerako Medialab-en garatu da, publiko orokorrak eta inplikatutako kolektiboen parte har dezaten.