Baby Hezten / Bringing Up Baby (Howard Hawks, 1938) BILBAO
Zinema eta Zientzia Zikloa
- Zientzialari gonbidatuak
-
Idoia Mujika
Materialen Fisika Zentroa (CFM CSIC-UPV/EHU) - Noiz
-
2024/03/02
19:00 - Lekua
- Bizkaia Aretoa UPV/EHU - Mitxelena Entzunaretoa, Bilbao
- Antolatzaileak
- DIPC, Euskadiko Filmategia, Donostia Zinemaldia
- Gehitu egutegira
-
iCal
David Huxley paleontologoak itxura ona eman nahi du Random andre aberatsaren aurrean, zeina aztertzen ari baita Huxleyren museoari milioi bat dolar dohaintzan emateko aukera. Ezkondu aurreko egunean, Huxleyk Susan Vance ezagutuko du, Random andrearen iloba gazte eta alaia. Vance abenturazale zoro samarra da, eta berehala maiteminduko da zientzialari puritanoaz.
Saioa Idoia Mujikaren aurkezpen labur batekin hasiko da. Emanaldiaren ondoren galdera eta solasaldi tartea zabalduko da.
(Bertsioa: Ingelera, Azpitituluak: Euskara, Aurkezpena: Euskara)
Hizlariari buruz
Idoia Mujika Mendiola Materialen Fisika Zentroko (CFM, CSIC-UPV/EHU) komunikazio eta dibulgazio arduraduna da, eta bertan Genero eta Aniztasun Plana ere koordinatzen du. Kimika Organikoan doktoratu zen Euskal Herriko Unibertsitatean (UPV/EHU) 2009an, eta 7 urtez Eureka! zientzia museoan lan egin zuen bere ibilbide profesionala eduki hezitzaile eta ludikoak garatzera bideratuz. 2017an, CFMn sartu zen, eta, ordutik, komunitate zientifikoari lotutako dibulgazio eta berdintasun proiektuetan aktiboki hartzen du parte. Bikien ama da 2015 geroztik, eta bizitza profesionala eta bien heziera uztartzen ditu.