L’Impossible Monsieur Bébé (Howard Hawks, 1938)

Zinema eta Zientzia Zikloa

Zientzialari gonbidatuak: Ricardo Díez Muiño
DIPC, Ikerbasque
Noiz: 2024/03/04
20:30
Lekua: Cinema Le Select, Donibane Lohizune
Antolatzaileak: DIPC, Euskadiko Filmategia, Donostia Zinemaldia
Gehitu egutegira: iCal

Subscribe to Newsletter

L’Impossible Monsieur Bébé (Howard Hawks, 1938) — Filmaren fotograma.

David Huxley paleontologoak itxura ona eman nahi du Random andre aberatsaren aurrean, zeina aztertzen ari baita Huxleyren museoari milioi bat dolar dohaintzan emateko aukera. Ezkondu aurreko egunean, Huxleyk Susan Vance ezagutuko du, Random andrearen iloba gazte eta alaia. Vance abenturazale zoro samarra da, eta berehala mainteminduko da zientzialari puritanoaz.

Saioa Ricardo Díez Muiñoren aurkezpen labur batekin hasiko da. Emanaldiaren ondoren galdera eta solasaldi tartea zabalduko da.

(Bertsioa: Ingelera, Azpitituluak: Frantsesa, Aurkezpena: Frantsesa)

Sarrerak

Hizlariari buruz

Ricardo Diez Muiño Ikerbasque irakaslea da, eta Donostia International Physics Centerreko (DIPC) zuzendaria 2013 urteaz geroztik. Gainera, 2005-2011 bitartean, Materialen Fisika Zentroko (CFM CSIC-UPV/EHU) zuzendariordea izan zen, eta 2011-2015 bitartean, zuzendaria. Zientzia Fisikoetan lizentziatu zen Madrilgo Unibertsitate Autonomoan 1991an, eta Zientzia Fisikoetako doktoradutza amaitu zuen UPV/EHUn 1996an. Bordeleko Unibertsitatean eta Kaliforniako Lawrence Berkeley National Laboratoryn lan egin du. Bere espezializazio arlo nagusia materia kondentsatuaren fisika teorikoa da eta, bereziki, solidoen, gainazalen eta nanoegituren dinamika elektronikoa. 120 artikulu zientifiko baino gehiago argitaratu ditu; horien artean, Science, Nature edo Physical Review Letters aldizkarietan egin ditu ekarpenak. Gainera, liburu baten egilekidea eta beste baten editorekidea da.