Zine emanaldiak eskolentzat belodromoan

Donostia Zinemaldia zientziarekin bat

Noiz
2025/09/19 - 2025/09/26
Lekua
Belodromoa (Donostia)
Antolatzaileak
DIPC, Donostia Zinemaldia (SSIFF), Euskadiko Filmategia
Gehitu egutegira
iCal
Subscribe to Newsletter
Zine emanaldiak eskolentzat belodromoan
"Ikastetxeak Belodromoan" edizio berriaren kartela, Donostiako Zinemaldian antolatua, DIPCrekin eta Euskadiko Filmategiarekin elkarlanean.

6 eta 11 urte bitarteko milaka haur gerturatuko dira belodromora, Donostia Zinemaldiak, Donostia International Physics Center-ek (DIPC) eta Euskadiko Filmategiak antolatutako ekitaldi batean zinema eta zientzia konbinatzen dituen film baten proiekziora.

Aurten, Ikastetxeak Belodromoan ekitaldiaren proiekzioak basoaren misterioetan barneratuko dira, bertako biztanleek osatzen duten ekosistema liluragarria eskola-umeei ezagutarazi eta naturan oreka ekologikoa eta biodibertsitatea zaintzearen garrantzia nabarmentzeko.

Belodromoko pantaila erraldoian "Totoro Auzokidea" proiektatuko da, NEIKER Nekazaritza Ikerketa eta Garapenerako Erakundeko Nahia Gartzia-Bengoetxea biologoaren parte-hartzearekin.

Filma euskarara bikoiztuta proiektatuko da, eta gorrentzat eta entzumen arazoak dituztenentzat euskarazko azpitituluak izango ditu.