Emakumeak Zientzian

Emakumeak eta neskak zientziara iristeko eta zientzian erabat eta modu ekitatiboan parte hartzeko, 2016an Nazio Batuen Batzar Nagusiak otsailaren 11 Emakume eta Neska Zientzialarien Nazioarteko Eguna izendatzea erabaki zuen.

Emakumeak Zientzian ekimenak 2017an eman zituen bere lehen urratsak, eta urtetik urtera, handitzen eta mamitzen joan da. 2022an, Eusko Jaurlaritzako Hezkuntza Sailaren eta Innobasque-ren bi sari jaso zituen Emakumeak Zientzian ekimenak: STEAM Euskadi Lehen Saria eta genero-ikuspegiaren aipamen bereziari dagokion saria, STEAM Hezkuntzako ekimenik berritzaileenaren kategorian.

2024ko edizioan 32 euskal zientzia eta teknologia erakundek bat egin dute Emakumeak Zientzian proiektuarekin, eta, hala, ekimenaren helburuekiko konpromisoa berretsiko dute: zientzian diharduten emakumeen lana ikusaraztea, jarduera zientifiko-teknikoak gizonezkoen kontua direlako ustea apurtzea eta neskek eta nerabeek zientziako ikasketak hauta ditzaten sustatzea. Helburu horiek kontuan hartuta, erakundeek indarrak batu dituzte publiko guztientzako jardueren programa osatu bat aurkeztu dute.