Bizitza Zientifikoak

Eureka! Zientzia Museoak “Bizitza Zientifikoak” topaketa antolatzen du urtero. Jarduera hau DBHko 4. mailako eta Batxilergoko ikasleei zuzenduta dago, eta topagune bat eskaintzen die zientziarekin, teknologiarekin edo ikerketarekin lotutako hainbat arlotako ikasle, irakasle eta profesionalei.

DIPCko zientzialariek urtero hartzen dute parte belaunaldi berriengan bokazio zientifikoak sustatzeko topaketa honetan, hitzaldiak emanez eta poster-saioan interakzioan jardunez.

Topaketari esker, ikasleak benetan hurbiltzen dira zientziara, teknologiara eta ikerketara, eta ikasketak amaitu ostean dauden lan-aukera eta -irteera ugariak erakusten zaizkie.