STROM - Astronomia Inklusiboa

‘STROM - Astronomia Inklusiboa’ erakusketak bidaia multisentsorial eta inklusibo baten bidez unibertsoan barneratzera gonbidatzen gaitu, astronomiaren oinarrizko kontzeptuak nahiz astrofisikaren esparruan egiten den mugako ikerketa ezagutzeko. Ukimen-, soinu- eta ikus-entzunezko esperientzien bidez, bidaia harrigarri honetan hatzekin galaxien azalera senti daiteke, zulo beltz baten sorrera ikusi edo Eguzkiaren soinuak entzun daitezke.

Erakusketaren helburu nagusietako bat irisgarritasuna bermatzea da, hau da, dibertsitate funtzionala duten pertsonentzako oztopoak kentzea. Erakusketa honetako material inklusiboak ezgaitasuna duten pertsonekin lan egiten duten erakunde eta profesionalen aholkularitzarekin garatu dira.

‘STROM - Astronomia Inklusiboa’ DIPCk Passion for Knowledge jaialdirako ekoitzitako erakusketa ibiltaria da, jaialdiaren bokazioari eutsiz, lurralde osoan zehar zientzia eta ezagutza herritar guztiengana hurbiltzeko xedea du.