Donostia Week-INN

Urtero, tokiko enpresa eta proiektu berritzaileenak eta ikerketa- eta teknologia-zentroen ordezkariak astebetez biltzen dira ekitaldi jendetsu honetan. Jardueren programa zabala du: berritzaileentzako interakzio-foroak, herritarrentzako transmisio-eremuak, eta belaunaldi berrien gaitasun berritzaileak garatzera bereziki zuzendutako jarduerak. DIPCk jarduera horietako askotan jarduten du elkarlanean beste erakunde batzuekin batera.

Donostia WeekINN 2019 Berrikuntzaren Astearen 6. edizioan, DIPCk bi solasaldi antolatu zituen Baga Biga Faktorian, Zientzia & Fun delakoaren barruan; lehenengoan, inguruko zenbait zentrotako emakume zientzialariak izan ziren zientziako genero-berdintasunari buruz hitz egiteko; eta bigarrenean, futbolaren alderdi zientifikoenetako batzuetan jarri zen arreta. Bestalde, Euskadiko Filmategiarekin batera, Zinema eta Zientziako saio berezi bat antolatu zen, eta Appollo 11 dokumental txalotua (Todd Douglas Miller, 2019) proiektatu zen Tabakaleran. Azkenik, nanoKOMIK proiektua, nanofikziozko lehenengo komikia, San Martin merkatuan egon zen ikusgai.

Donostia WeekINN 2020 edizioan, DIPCK "Atzoko eta Gaurko Emakume Zientifikoak" programarekin bat egin zuen historiako emakume zientzialari handi batzuk omentzeko. Donostia WeekINN 2021 edizioan, Tabakaleran egin zen "Zinea eta Zientzia" proiekzio berezian parte hartu genuen (Koherentzia, James Ward Byrkit, 2013); baita "Atzoko eta Gaurko Emakumeko Zientzialariak" ekitaldian, Aquariumean, eta "Nanozientzia-tailerra" Kursaalean, CFM (CSIC UPV/EHU) eta CIC nanoGUNE-rekin batera ere. Donostia WeekINN 2022an aldiz, "Materialen eta Nanozientziaren Zientzia Tailerra" eskaini genuen, eta "Atzoko eta Gaurko Emakume Zientzialariak" programan parte hartu genuen.

Donostia WeekINN 2023 edizioak DIPCren ekarpena izango du "Zientzia eta Berrikuntzako Barra Librea" jardueran.

2024an, CFM eta DIPC ikerketa zentroek materialen zientzia tailerra eskaini zuten Santo Tomas Lizeoan eta BasQeko zuzendari zientifiko Javier Aizpuruak, zientziak gizartean duen eraginari buruzko mahai-inguru batean parte hartu zuen, San Sebastián Science Society ekitaldian.