Jot Down Ciencia

Informazio gehiago proiektuaren webgunean:

ciencia.jotdown.es

Jot Down-ek urtero antolatutako ekitaldia

Urtero, Jot Down Ciencia topaketak zientziako, dibulgazio zientifikoko eta ilustrazioko pertsona ezagunenetako batzuk biltzen ditu. Sevillan sortu zen ekitaldia. Han egin dira lehenengo edizioak, eta Donostiara eta Jakara bidaiatu du haren 9 edizioetan.

Programa oso dinamikoa da, eta hitzaldi laburrak, mahai-inguruak eta ikuskizun dibertigarriak ditu, baita ekitaldiaren harira urtero egiten den dibulgazio zientifikoko lehiaketaren sari-banaketa ere.

Dibulgazio zientifikoko lehiaketa

Gaur egun, 1.000na €-ko lau sari ditu lehiaketak, kategoria hauetan:

Dibulgazio zientifikoko saiakera onena
Fikzio zientifikoko narrazio-testu onena
Ilustrazio zientifiko onena
Argazki zientifiko onena

Donostia International Physics Center-ek, Canfranceko Lur Azpiko Laborategiak, Bergarako Laboratorium-ek eta Sevillako Unibertsitateak, hurrenez hurren, babesten dituzte sariak. Edozein nazionalitatetako edozein pertsonarentzat dago zabalik lehiaketa; berdin dio dibulgazio zientifikoan zer ibilbide duen.

Jot Down-ek eta DIPCk urteak daramatzate dibulgazio zientifikoko lehiaketan elkarlanean, eta liburu hauek argitaratu dituzte elkarrekin. El dilema Turing y otros textos científicos eta Cañones de wolframio y otros textos científicos. Liburu horietan, aurkeztutako lanetatik aipagarrienak biltzen dira.