On Zientzia

Herritarrek eduki audiobisualak sortzeko proiektu bat da On Zientzia. Elhuyarrek eta DIPCk antolatzen dute, euskal telebista publikoko Teknopolis programaren barruan. Lehiaketaren helburua  publiko zabalari zuzendatuako zientziari eta teknologiari buruzko film labur eta originalak ekoiztea eta zabaltzea da. 

Edizio berrian izena emateko epea 2024ko azaroaren 6tik 2025eko apirilaren 29ra bitarte izango da zabalik.

Epaimahaiak hiru sari emango ditu:

• Dibulgaziozko bideo onenaren saria: 3.000 euro
• Euskarazko bideo onenaren saria: 2.000 euro
• Gazte saria (18 urtetik beherakoentzat): 1.000 euro

Aurten, gainera, NBEk 2025a Zientzia eta Teknologia Kuantikoaren Nazioarteko Urtea izendatu duenez, epaimahaiak ezohiko sari bat ere emango du:

• Kuantikari buruzko bideo onenaren BasQ saria: 500 euro

Epaimahaiaren sariez gain, www.onzientzia.tv webgunean aldeko boto gehien jasotzen dituen bideoak jasoko du publikoaren saria.