Harrotasuna Zientzian

Lehenengo Harrotasuna Zientzian eguna antolatu zuen Materialen Fisika Zentroak (CFM CSIC – UPV/EHU), CIC nanoGUNE-k eta DIPCk 2019an, Donostian.

Horrela, ikerketa-zentro horiek bat egin dute PrideinStem nazioarteko mugimenduarekin (harrotasuna STEMen —zientzia, teknologia, ingeniaritza eta matematika—). Duela urte batzuetatik hona, mugimendu horrek LGTBIQ komunitatea ikusgai jarri nahi du zientzian, eta zientzian ere aniztasuna funtsezkoa delako mezua zabaldu.

Lehenengo edizioko programan dibulgazio zientifikoko bi hitzaldi eman ziren LGTBIQ ikuspegiarekin, baita publiko guztietarako eztabaida irekiko mahai/foro bat ere.

Berdintasun-planak ezartzen ari dira hiru zentroak, aniztasunaren ikuspegiarekin, eta datozen urteetan era honetako ekintzek ibilbide luzea izatea espero dute, estereotipoak apurtzen aktiboki laguntzeko, zientziaren etorkizunerako nahi dugun errealitate pluralari ahotsa eta ikusgaitasuna emanez.

Kontsultatu programazioa hemen:

Harrotasuna eta Zientzia 2019