STEAM Sare: Gorputz grabitatorioak

Eusko Jaurlaritzak Innobasqueren bidez bultzatutako STEAM Euskadi estrategiaren baitan kokatzen den ekimena da STEAM Sare. Bigarren hezkuntzako ikastetxe eta eragile sozioekonomikoek (enpresak, unibertsitateak, ikerketa-zentroak eta STEM profesionalak dituzten beste erakunde batzuk) osatzen dute sarea. Elkarrekin lan eginez, gazteei STEM diziplinen irudi errealista, positiboa eta anitza eskaini nahi da artearean A gehituta, zientzia, teknologia, ingeniaritza eta matematika arloko bokazioak piztea helburu duelarik, arreta berezia jarriz neskengan.

DIPCk urteak daramatza helburu horiei modu aktiboan bultzatzen, eta 2022an formalki batu zen STEAM Sarera, Lauaxeta Ikastolako (Bizkaia) irakasleekin eta Saioa Olmo artistarekin elkarlanean sortutako “Gorputz grabitatorioak” jarduera proposatuz.

Jarduera horren proba pilotua Lauaxeta ikastetxean egin zen Marcos Pellejero eta Sergio Contreras DIPCko doktoratu ondoko ikertzaileek gidatuta. Ikastetxeko irakasleek balorazio positiboa egin ondoren, “Gorputz grabitatorioak” Euskadiko Bigarren Hezkuntzako eta Batxilergoko ikasleei eskaintzen zaizkien STEAM Sare jardueren katalogoan sartu zen.