top@DIPC topaketak - Zientziarekin solasean!

2009. urteaz geroztik, DIPCk top@DIPC – Zientziarekin solasean! topaketa jendetsuak antolatzen ditu, Nobel saridunak eta nazioarteko zientzialari handiak Euskal Herriko bigarren hezkuntzako ikasleekin elkartuz, Pedro Miguel Etxenikek moderatutako ekitaldian.

Topaketen helburu nagusia gazteengan zientziarekiko jakin-mina sortu eta bokazio zientifikoak inspiratzea da. Ikasleek, mundu mailan erreferenteak diren zientzialarien ibilbide pertsonal eta zientifikoa gertutik ezagutzeko aukera izaten dute. Horretarako, berauen biografiak aldez aurretik aztertzen dira ikasgelan. Ekitaldian, izena eman duten ikastetxeek galderak egiteko aukera izaten dute, galderak zozketa-sistema dibertigarri baten bidez aukeratzen direlarik.

Galdera original, kreatibo edota harrigarrienak sari berezia jasotzen du Telefónica eta EDP Fundazioaren eskutik.

XIV. edizioa 2024ko azaroaren 28an ospatuko da Donostian (Eureka! Zientzia museoa). Iraileko lehen hamabostaldian jakinaraziko dira aurtengo zientzialari gonbidatuen izenak eta izena emateko deialdia ere zabalduko da.

Parte hartzeko baldintzak:

• Ekimenean parte har dezaketen ikastetxeak: Euskal Autonomi Erkidegoko Bigarren Hezkuntzako ikastetxeak.plazak bete arte (gutxi gora behera 50/60 ikastetxe).
• Parte-hartzaileak: Ikastetxe bakoitzeko irakasle bat eta hiru/lau ikasle, 2024/2025 ikasturtean DBH 4.mailan edo Batxilergo zientifikoan dabiltzanak, ikasmaila berean ala desberdinetan.

Top@DIPC Zientziarekin solasean! ekitaldia doakoa da.

Informazio gehiago behar izanez gero edo zalantzak argitzeko, info@topadipc.eu helbide elektronikora idatzi.