Topaketak top@DIPC Zientziarekin solasean! 2024

Izen-ematea 2024

Izen ematea irailaren 26tik urriaren 10a arte.

 

Nazioarteko lehen mailako zientzialarien eta Euskal Herriko bigarren hezkuntzako ikasleen arteko topaketa jendetsuak.
Topaketak top@DIPC Zientziarekin solasean! 2024

DIPCk, 2009. urtetik geroztik nazioarteko lehen mailako zientzialarien, Nobel saridunak tarteko, eta Euskal Herriko DBHko 4. mailako eta Batxilergoko ikasleen arteko topaketa jendetsuak antolatzen ditu. Pedro Miguel Etxenike da solasaldien moderatzailea.

Topaketen helburu nagusia gazteengan zientziarekiko jakin-mina eta bokazio zientifikoak piztea da, mundu mailan erreferenteak diren zientzialarien ibilbide pertsonal eta zientifikoa ezagutuz, hain zuzen. Horretarako, berauen biografiak eta ibilbide zientifikoa aurretik aztertzen dira ikasgelan. Ekitaldian, izena eman duten ikastetxeek galderak egiteko aukera izaten dute, galderak zozketa-sistema bidez aukeratzen direlarik. Galdera orginal, kreatibo edota harrigarrienak sari berezia jasotzen du Telefónicaren eskutik.

Parte hartu top@DIPC - Zientziarekin solasean! edizio berrian

Datorren topaketa azaroaren 28an ospatuko da Donostian, Eureka! Zientzia Museoan.

TOPA24_bideoa.png

Aurtengo edizioan zientzilari gonbidatuak Jean-Pierre Sauvage, Mairi Sakellariadou eta Pilar Hérnandez izango dira, eta Pedro Miguel Etxenikek gidatuko duen topaketan parte hartuko dute.

topa24_jps.png

Prof. Jean-Pierre Sauvage

Université de Strasboug

2016ko Kimikako Nobel sariduna, makina molekularrak garatzeagatik jasoa.

Biografia eta ibilbidea

topa24_ms.png

Prof. Mairi Sakellariadou

King's College London

Fisikari teorikoa eta kosmologoa. Europako Fisika Elkarteko lehendakaria.

Biografia eta ibilbidea

topa24_ph.png

Prof. Pilar Hérnandez

Universitat de València/IFIC/CERN

Oinarrizko partikulen fisikaria. CERNeko Zientzia Politika Batzordeko lehendakariordea

Biografia eta ibilbidea

logotopa2024_agrupadosweb.png

Programa

9:00-9:30  Ikasle eta irakasleei harrera.

9:30-11:30 Topaketa ikasleekin.

  • 9:30-10:00 Ongi etorri instituzionala eta zientzialari gonbidatuen aurkezpena.
  • 10:00-11:30 Galdera tartea eta galdera onenaren sari banaketa Telefonikaren eskutik.

11:30-12:30 Familia argazkia eta hamaiketakoa: Zientzialari gonbidatuak eta parte-hartzaile guztiak museoaren kanpoan bilduko dira argazkia ateratzeko.

12:30 Amaiera

Aldibereko itzulpen zerbitzua eskainiko da.

Topaketa grabatu egingo da eta DIPCren YouTube kanalean egongo da ikusgai.

Parte hartzeko baldintzak:

  • Ekimenean parte har dezaketen ikastetxeak: Euskal Autonomia Erkidegoko Bigarren Hezkuntzako Zentroak, dauden plaza guztiak bete arte (gutxi gora behera 60 ikastetxe).
  • Parte-hartzaileak: Ikastetxe bakoitzeko irakasle bat eta hiru/bost ikasle, 2024/2025 ikasturtean DBH 4.mailan edo Batxilergo zientifikoan dabiltzanak, ikasmaila berean ala ezberdinetakoak izan daitezke.

Ikastetxeen izen ematea, plazen esleipena eta jarraibideak:

  • Izen ematea zabalik irailaren 26tik urriraren 10a arte.
  • Plazen esleipena, izen emate ordenaren araberakoa izango da lekua bete arte (300 pertsona gutxi gora behera).
  • Onartuak izan diren ikastetxeek, baieztapena jasoko dute korreo elektronikoz, baita izen ematearekin jarraitzeko argibideak ere.
  • Parte-hartzaile guztien izen-abizenak eta galderak, 2024ko urriaren 24a baina lehen bidali beharko dira.
  • Izen-ematea doan da.

Informazio gehiago jaso edo zalantzak argitzeko, gurekin harremanetan jar zaitezke info@topadipc.eu helbidera idatziz.

Aurreko edizioak

DIPC zentroarentzat ohore handia da aurreko edizioetan izen handiko zientzialariek parte hartu izana, honakoak dira:

Jocelyn Bell-Burnell, astrofisikaria, pultsarren aurkikuntzan aintzindaria, 2018ko Breakthrough saria jasoa.

Elena Cattaneo, farmakologoa eta ama zeluletan ikerlaria, Italiar Errepublikako Zientzia Saria Medikuntzan eta Urrezko Domina 2001 jasoa.

Aaron Ciechanover, 2004ko Kimikako Nobel sariduna, ubikitinak mediatutako proteinen degradazioa aurkitzeagatik jasoa.

Claude Cohen-Tannoudji, 1997ko Fisikako Nobel sariduna, laser argiaren bidez atomoak hoztu eta harrapatzeko metodoa garatzeagatik jasoa. 

Juan Ignacio Cirac, fisikaria, informazioaren teoria kuantikoan eta konputazio kuantikoan aintzindaria, 2006ko Asturiaseko Printzea saria jasoa.

Pamela Diggle, biologoa, landareen eboluzioan espezialista. Botanical Society of America elkarterko lehendakaria izan zen.

Sylvia Earle, itsas biologoa eta esploratzailea eta 2018ko Asturiaseko Printzesa saria jasoa.

Albert Fert, 2007ko Fisikako Nobel sariduna, magnetoerresistentzia erraldoiaren aurkikuntzagatik jasoa.

Pilar Hernández, fisikaria, partikula elementaletan aditua, CERNeko Politika Zientifikoko Batzordeko kidea.

Dudley Herschbach, 1986ko Kimikako Nobel sariduna, oinarrizko prozesu kimikoen dinamikan egindako ekarpenagatik jasoa.

Tim Hunt, 2001ko Fisiologia eta Medikuntzako Nobel sariduna, ziklo zelularraren erregulatzaile nagusiak aurkitzeagarik jasoa.

Martin Karplus, 2013ko Kimikako Nobel sariduna, sistema kimiko konplexuentzako multieskalako ereduak garatzeagatik jasoa.

Harold Kroto, 1996ko Kimikako Nobel sariduna, fulerenoa aurkitzeagatik jasoa.

Jean-Marie Lehn, 1987ko Kimikako Nobel sariduna, selektibitate handiko molekulak garatu eta erabiltzeagatik jasoa. 

María Martinón-Torres, paleoantropologoa, Centro Nacioanal de Investigaciones sobre Evolución Humana zentroko zuzendaria, River Medal 2019 jasoa.

Ginés Morata, biologoa, genetikan eta garapenaren biologia molekularrean espezialista, 2007ko Asturiaseko Printzea saria jasoa.

Ángela Nieto, biokimikaria, metastariaren mekanismoen aurkitzailea, 2009ko Rey Jaime I Oinarrizko Ikerketa saria jasoa.

John Pendry, fisikaria, fotonikan aditua, ikusezintasun-kaparen eta lente perfektuaren asmatzailea, 2014an Nanozientzia Kavli saria jasoa.

Heinrich Rohrer, 1986ko Fisikako Nobel sariduna, lehenengo tunel efektuko mikroskopioa diseinatzeagatik jasoa.

Christophe Rossel, fisikari experimentala, material aurreratu eta semikonduktoretan aditua, European Physical Society elkarteko lehendakaria izan zen.

Mairi Sakellariadou, fisikari teorikoa, partikulen fisikan, grabitazioan eta kosmologian aditua, European Physical Societyko zuzendaria 2024a geroztik.

Jack Szostak, 2009ko Fisiologia eta Medikuntzako Nobel sariduna, kromosomen degradazioan telomeroek eta telomerasa entzimaren eragina aurkitzeagatik jasoa.

George F. Smoot, 2006ko Fisikako Nobel sariduna, gorputz beltzaren forma eta hondoko mikrouhin erradiazioren anisotropia aurkitzeagatik jasoa.

Jean-Pierre Sauvage, 2016ko Kimikako Nobel sariduna, makina molekularrak garatzeagatik jasoa.

Donna Strickland, 2018ko Fisikako Nobel sariduna, intentsitate handiko pultso optiko ultra-motzak eratzeko metodoa garatzeagatik jasoa. 

María Vallet-Regí, kimikaria, biomaterial aurreratuan ikerketan aintzindaria, 2018ko Rey Jaime I Oinarrizko Ikerketa saria jasoa.

Klaus Von Klitzing, 1985ko Fisikako Nobel sariduna, Hall efektu kuantikoaren aurkikuntzagatik jasoa.

Frank Wilczek, 2004ko Fisikako Nobel sariduna, interakzioa sendoaren teorian askatasun asintotikoa aurkitzeagatik jasoa. 

David J. Wineland, 2012ko Fisikako Nobel sariduna, sistema kuantikoak indibidualki karakterizatu eta manipulatzeko metodo experimentalak garatzeagatik jasoa.

Ada Yonath, 2009ko Kimikako Nobel sariduna, erribosomen egituraren eta funtzioren ikerketan egindako ekarpenagatik jasoa.

Rafael Yuste, neurobiologoa, BRAIN proiektuaren ideologoa. 

2009 urtetik gerotoztik topaketak Donostia (Eureka! Zientzia Museoa eta Victoria Eugenia antzokia) eta Bilbon (Bizkaia Aretoa) ospatu izan dira, 2020 eta 2021 urteetan salbu. DIPCk zientzia jaialdiak antolatu dituenean, hauen baitan ospatu dira, hots, 2023, 2019, 2016, 2013 eta 2010 urteetan Passion for Knowledge jaialdian eta 2009. urtean Atom by Atom jaialdian. Vitoria-Gasteizen (Artium) 2013. urtean ospatu zen Passion for Knowledge jaialdiaren baitan.

Topalketen bideoak ikusgai daude dipc.tv eta DIPCren YouTube kanalean.

Izen-ematea 2024

Izen ematea irailaren 26tik urriaren 10a arte.

 

Newsletter de divulgación +
Datozen hitzorduak

Ez dago ekitaldirik programatuta