Eskolen bisitak

Ikastetxeei zuzendutako bisitak antolatzen dituzte urtero DIPCk eta Materialen Fisika Zentroak (CFM CSIC - UPV/EHU).

Ekimen honen bidez, ibilbide zientifikoa aukera profesional gisa zeinen erakargarria den erakutsi nahi dugu, baita zeinen lan zientifiko bikaina egiten ari diren ere gure inguruan hainbat arlotan, hala nola materialen zientzian, nanozientzian eta superkonputazioan.

Gure zentroak diziplinartekoak dira, eta fisikan, kimikan, informatikan eta ingeniaritzan espezializatutako profesionalak integratzen dituzte. Profesional horiek aktiboki hartzen dute parte gure instalazio eta laborategietako bisitan.

Bisita doakoa da, eta Batxilergoko  1. eta 2. eta Lanbide Heziketako ikasleei zuzenduta dago. Gehienez 45 ikasleko taldeak onartzen dira. Ikasturtean bi bisita birtual antolatu dira, ikastetxeen eskari handiari erantzuteko: 2023ko abenduaren 15ean eta 2024ko otsailaren 9an. 

Bisiten programari buruzko informazio gehiago lortzeko, jarri gurekin harremanetan, helbide honetara idatziz: visit.cfm@dipc.org.

AURREZ AURREKO BISITA

9:30-9:45 Aurkezpena: ikerketa zentroen zeregina, nanozientziaren hastapenak eta karrera zientifikoen deskribapena.

9:45-10:45 Ikerlariek laborategietako lanaren nondik norakoak azalduko dituzte, tresna eta makinen erabilpena erakutsiz eta beren lanaren helburuak azalduz. Bost gune hauetatik hiru bisitatuko dira:

• Superkonputazio zentroa (DIPC).
• Nanofisika eta Nanozientzia laborategia (CFM).
• Polimeroen Kimika laborategia (CFM).
• Nanofotonika Kuantikoko laborategia (CFM).
• Nanomaterial eta Espektroskopia laborategia (DIPC).

10:45-11:15 Hamaiketakoa eta mahai ingurua DIPC edo CFMko kafetegian ikerlariekin.

ONLINE BISITA

9:45 Konexioa eta soinu-proba parte hartzen duten eskolekin.

10:00 – 10:15 Bi zentroetako ikerketa-esparruen aurkezpena, nanozientziarako sarrera eta karrera zientifikoaren deskribapena.

10:15- 11:00 Bost gune hauetatik hiru bisitatuko dira birtualki:

• Superkonputazio zentroa (DIPC).
• Nanofisika eta Nanozientzia laborategia (CFM).
• Polimeroen Kimika laborategia (CFM).
• Nanofotonika Kuantikoko laborategia (CFM).
• NEXT experimentua Canfranc-eko Lurrazpiko Laborategian (LSC-DIPC, Huesca)

11:00-11:30 Mahai-ingurua ikertzaileekin.

Aurreko edizioak